29.10.20

Cantos que contan "Mundo Louco" canción do disco "Lingua Guapa"


Vou cambiar o mundo





Unha das canciónsFina Casalderrey e Néstor Blanco  deléitannos con  “Lingua guapa e cos  "Cantos que contan…“, un libro disco de poemas que deu a luz este ano, recén saído do forno. Colobara no disco o "Coro Luís García Limeses"  que dirixe a profesora do noso  cole "Reyes Carballo".   Ver na páxina de Fina Casalderrey  Nas imaxes vemos a portada do disco e dúas das cancións do disco e  unha delas a estamos a cantar estos días no centro . O disco xa está a venda.  - Artigo relacionado "24 de outubro Día das Bibliotecas Escolares"

Dobraxe de O noso Samaín

Fotos e Recursos para o Samaín


24.10.20

200 cantigas galegas

200 letras de cantigas galegas con ligazóns para poder escoitalas recollidas por Anxo González Guerra e Victoria Ogando Valcarcel na páxina "O galego. eu"

Outra páxina web para poder escoitalas Música.com
 

7.10.20

Pintar ten premio - Concurso Olla a Palabra do día!!

 (Clica en PINTAR PALABRAS TEN PREMIO) .Ver resumo coas palabras seleccionadas.

      A Real Academia Galega e a Fundación Barrié convocan,O Concurso Olla a Palabra do Día! está dirixido ao alumnado de .... , primaria ...

      Establécense as seguintes categorías: ... Primaria 1. Alumnado de 1º, 2º e 3 de primaria. Primaria 2. Alumnado de 4º, 5º e 6º de primaria ...

      Cada traballo presentado ao concurso levará á linguaxe visual as palabras do día do Portal das Palabras (portaldaspalabras.gal) dunha das semanas comprendidas entre o 5 de outubro e o 1 de novembro de 2020 (de luns a domingo), que xirarán arredor dos seguintes temas: o Día da Nena, a vida e a obra do Protagonista do Día das Letras Galegas 2020, Ricardo Carballo Calero, o Samaín e a educación ambiental. Todas as palabras estarán dispoñibles, a medida que se publiquen, na ligazón https://portaldaspalabras.gal/lexico/palabra-do-dia/.

      Os traballos deberán incluír por escrito as 7 palabras da semana en que se inspiran e funcionar como mapas conceptuais ou apuntamentos visuais que sinteticen en imaxes a temática abordada, e que poidan dialogar con outros conceptos relacionados. As imaxes deberán referirse de forma clara cando menos a 5 das 7 palabras do día da semana elixida cando se concorra nas categorías Primaria 2 . Nas categorías de Primaria 1, a participación realizarase por aulas. 

      Cada aula poderá concursar cun mural colectivo ou ben cun mínimo de 7 ilustracións realizadas cando menos por outros 7 estudantes (ou toda a aula de seren menos). ...

       Poderán empregarse todo tipo de técnicas propias da ilustración non dixital (lapis de cores, rotuladores, tinta, acuarela...). O prazo para a presentación de ilustracións abrirase o día 1 de novembro de 2020 e pecharase o 1 de decembro.

Neste  blog do EDNL do CEP Campolongo, na columna da esquerda (versión web da páxina) estará  o logo permanentemente para entrar no Portal das palabras. Por defecto os blogs nos teléfonos móviles só mostran a columna central, nun ordenador de mesa vese o diseño completo.

VER A NOVA NO PORTAL DAS PALABRAS - VER AS PALABRAS TRABALLADAS

Ver as Bases do Concurso



1.10.20

Refraneiro do mes de outubro

Primeiro vótalle unha ollada a estas datas, e logo le os refrans específicos do mes de outubro,  porque tamén hai moitos sobre o outono.  Ver o santoral completo anual


San Francisco, 4 de outubro.  

Os Remedios, o segundo domingo de outubro;

O Pilar, 12 de outubro.

San Lucas, 18 de outubro

San Xudas e San Simón, 28 de outubro.

San Quintín, 31 de outubro.



- Por San Francisco bota o liño mourisco, se o botas en San Simón nin da estopa nin estopón.
- Por san Francisco, risco, risco. Por san Lucas alza o boi da suca, mata o porco e tapa a cuba.
 -  En san Francisco trae a vela, en San Xosé lévaa.
- Outono, outonán, mes das San Lucas e maís san Froilán.
- Pasados os Remedios e san Roque, xa non hai sesta nin merendotes.
- Polo Pilar, os nabos na terra e o viño a envasar.
- Polo san Lucas mata o teu porco e barra a túa cuba / as túas cubas.
- Polo san Lucas saben ben as uvas.
- Polo san Lucas solta os bois, mata os porcos e tapa as cubas.
- Na semana de san Lucas, suca, boi, suca.

- Por san Xudas e san Simón, collidas as uvas son
- Polo san Simón proba o viño, e o porco polo san Martiño.
- Polo san Simón, áncoras ó fondón.
- Polo san Simón, camiñar si, navegar non.
- Por san Simón a xeira do cogordón.
- Por san Simón cada moneda vale un doblón.
- Por san Simón e san Xudas, collidas as uvas.
- Por san Simón e san Xudas, mata o teu porco e atesta as túas cubas.
- Por san Simón o néspero se repón.
- Por san Simón, aperta o baldón.
- Por San Simón, camiñar si, navegar non.
- A verdura de San Simón dá pró  amo e mais pró  ladrón.
- Polo Pilar, os nabos na terra e o viño a envasar.
- De setembro a San Simón, non comas o mexillón.
- Pasados os Remedios e san Roque, xa non hai sesta nin merendote.
- Áncoras ó fondo, que chega San Simón.
- As avenidas de San Simón, antes ou despois sonadas son.
- As enchentes de San Simón sonadas son, ou antes ou despois enchen o carro e mais os bois.
- Outubro viñateiro, pai do bo xaneiro.
- Por san Martiño e san Xudas, piñeiriña das túas uvas.
- Por san Quintín castañas ó rolín.
- A lúa de outubro a sete cubre, e se chove, nove.
- A lúa de Outubro sete lúas cobre, e se chove, cobre nove.
- En outubro, a terra esterca e cobre.
- En outubro, non molesta o lume.
- Outubro viñateiro, pai de bo xaneiro.

Nota:

 - Baldón ou bandón é o tapón de cortiza ou madeira co que se tapa o burato da tapa superior dos bocois.
-  "Barrar as cubas" é tapar calquera greta ou abertura que poida ter a cuba para asegurar a súa hermeticidade. Facíase con lama ou pez.

Neste mes entrarían tamén moitos dos refráns que hai sobre o outono, que tanto pode ser chamado estación ou mes  do ano.

Ver tamén curiosidades de outubroVer Santoral de todo ano.

Refráns do outono


Concurso "As imaxes do patrimonio"

Prazo de participación prorrogado até o 31 de outubro

Durante este ano 2020, e no marco da celebración do 25 aniversario, Ponte...nas ondas! amplía o prazo de participación no 3º Certame “As imaxes do patrimonio” destinado aos centros educativos e ás famílias.

Unha actividade que pode axudar a conectar ao alumnado co patrimonio fotográfico da súa família e que se pode realizar como unha actividade individual a través de Internet. Unha actividade que motiva ao xoves a investigar no ámbito máis próximo e na súa propia realidade.

AS IMAXES DO PATRIMONIO

Un Certame para realizar coa familia e na que a xente nova pode coñecer moitos aspectos do patrimonio cultural que se encontran documentados nas fotografías familiares. Con estas imaxes podemos ter acceso a unha boa parte de expresións culturais que xa desapareceron ou que xa son descoñecidas polas novas xeracións.

O patrimonio inmaterial é constituído principalmente por coñecementos, técnicas, formas de organización ou de expresión colectiva xunto coas manifestacións festivas e familiares. Está localizado nas prácticas da vida cotiá que son realizadas polo membros da sociedade e que teñen nas famílias os núcleos básicos.A cultura inmaterial é aquela que é vivenciada polas persoas portadoras e como tal está documentada desde os inicios da fotografía.

As imaxes dos álbuns familiares conteñen moitas destas manifestacións e vivencias que poden ser descoñecidas polo alumnado dos centros educativos. Precísase que a xente máis nova coñeza o seu pasado recente e que sexa quen de interpretalo. Neste labor de transmisión e vivencia das imaxes é necesaria a implicación da família para axudar a comprender os contextos onde se produciron as expresións culturais documentadas.


O CERTAME

Pódese participar on line enviando as imaxes co texto ao portal Web www.escolasnasondas.com

http://escolasnasondas.com/iii-edicion-do-certame-de-recolla-das-imaxes-do-patrimonio-cultural-inmaterial-galego-portugues/

Establécense dúas categorías e os seguintes premios:

1ª Categoría ( alumnado de E.Infantil e E.Primaria ):

• 1º premio: Un ordenador portátil para a familia remitente da fotografía gañadora

• 2º premio: unha tablet de 10”

3º premio: unha cámara dixital compacta

2ª Categoría ( alumnado ESO, Bacharelato e Formación Profesional:

• 1º premio: Un ordenador portátil para a familia remitente da fotografía gañadora

• 2º premio: unha tablet de 10”

3º premio: unha cámara dixital compacta