28.12.20

"Nós" - Palabra do Ano 2020


 

Grupo creador do Xornal
1- "Pronome persoal tónico de primeira persoa do plural tanto para o masculino como para o feminino que funciona como suxeito ou vai tras preposición".


Primeiras Edicións do Xornal
2- Van alá 100 anos : O 20 de outubro de 1920 naceu na cidade de  Ourense a revista Nós.    Ler máis

Xogar con moitas das  palabras deste ano 2020: Brincaletras 1 - Brincaletras II - Brincaletras III

27.12.20

Dicionario para un país "imposibel" (Xavier Seoane)


 

Libros: "E un voou sobre o niño do cuco " / "Acouga, Babau"


 

No tren da Vía Láctea

Neste volume, traducido por Gabriel Álvarez e ilustrado por Miguel Robledo, inclúense sete dos seus relatos máis coñecidos: ‘Unha noite no tren da Vía Láctea’, ‘A estrela da avenoiteira’, ‘A araña, a lesma e o tanuki’, ‘A oficina dos gatos’, ‘Orbel e o elefante’, Matasaburó, o do vento’ e ‘Gauche o violoncellista’. A poesía do cotián, a desbordante imaxinación e a tenrura caracterizan un clásico moderno, considerado “o Principiño” da literatura xaponesa.  Ver na Editorial

Palabras do Ano 2020 da escola ( as que máis gustaron, as máis descoñecidas e as dos aniversarios)

Palabras que non se coñecían e
 palabras que  gustaron
 
Palabras dos aniversarios 2020

Clica nas  imaxes se as queres ver todas. (Buscar no dicionario)  - (Ver a orixe deste artigo)
- As palabras que máis gustaron  do galego no 2020 polo alumnado que votou da escola por Edixgal e pola Aula Virtual,  foron:  amorodo: 8 veces  - agasallo: 7 - bolboreta: 8 - agarimo: 6 - bico:  5 -  golfiño: 4.

- As palabras máis elixidas das que non coñecían do documento foron: Xermolo (4/01/2020): 14 veces - garatuxa: 10 - carballiza: 7 - mormeira: 4 - tándem : 4 - curota : 4   - bategada: 3 . Outras: calistro, alpabarda, xanzá, afelio, pándego, chorima, ervella, ávrego, dadaismo ...

- Con respecto ós aniversarios do 2020 os  que máis se repetiron foron

DÚAS PERSOAS CO MESMO ANIVERSARIO:  academia (19/09/2020), alpabarda, arrabalde, cenobio, novidade, feminizar, fontenla, laverca, migración , nota, pándego, patriarcal, orballeira, ovella, parabéns, rosquilla, tándem, trevo, trueiro, xuventude,

TRES PERSOAS CO MESMO ANIVERSARIO : brétema (31/03/2020), chacolí, murchar, trangalleiro, voluntario,

SEIS PERSOAS CO MESMO  ANIVERSARIO: Coello (14 de xaneiro)

Artigo relacionado

4.12.20

Canción "Lingua Guapa" - De Nestor Blanco e Fina Casalderrey

"Teño unha língua moi longa con kilómetros de historia. Leva palabras de azucre que aturuxan na memoria ... " Fina Casalderrey.  Ver  máis cancións : Paisaxe  -  Mundo louco -Vou cambiar o mundo -  Letra de O sapo   . Este libro-disco témolo na  biblioteca da escola. Achégate para escoitalo.

A Palabra Galega do Ano 2020

Na escola estamos a elixir as mellores palabras galegas deste ano 2020 (as máis curiosas, simpáticas, novidosas ...). Esta actividade, nada dende o Equipo de Dinamización Lingüística,  foi comunicada a todas as titorias para traballar tamén de forma voluntaria e  particular en cada aula. Nas Aulas Virtuais , os mestres de E. Física teñen postas  as preguntas que hai mais abaixo para poder respostar.  Hai varias maneiras de poder participar:      

    1º  Votar directamente de forma virtual na páxina web "O PORTAL DAS PALABRAS". (Ver as fases do proceso)

    2ª Enviar pola AULA VIRTUAL (1º, 2º, 3º e 4º de E.F.) ou EDIXGAL (5º e 6º de E. F.) as respostas das  seguintes PREGUNTAS:

    1ª Cal foi a palabra do teu aniversario? E a dos teus familiares? (Podes vela aquí). Ou aquí 
    2º Es capaz de debuxala. Se o fas non dubides en enviala pola plataforma ou  dárllela ó teu profesor cando che cadre.
    3º Como se di esa palabra en  castelán, éuskaro, catalán, portugués, francés e inglés?
   4ª Cales son as tres palabras que máis che gustan do galego? Se queres unha axuda consulta aquí.  Ou aquí. 
    5ª Escribe 5 palabras que non coñecías do documento anterior?
          
O Equipo de Dinamización escollerá as palabras máis votadas para dálas logo a  coñecer antes de que remate o curso. A data límite será o día 15 de decembro do 2020 para publicar logo as palabras elixidas.
ANÍMATE   E    PARTICIPA  
   "O galego precisa de ti"

Se queres tamén podes participar na "Palavra portuguêsa do Ano 2020

Homenaxeando ás "Bravas do Mar"

Entrega de premios

 O alumnado de 5º participou xunto a outras escolas na homenaxe ás "Bravas do Mar" escribindo historias baseadas nalgunha muller da súa familia ou en personaxes creados por eles mesmos. A través dos seus textos, os alumnos e alumnas de 5º e 6º de Primaria de  Sequelo, Campolongo, Carballal, e os de 1º e 2º de ESO de Chan do Monte e Illa de Tambo denunciaron a necesidade de igualdade entre homes e mulleres, á vez que reivindicaron todo o protagonismo para estas profesionais. Estes textos, un total de 100 obras, xunto coas Bravas que protagonizaron o material sobre o que traballaron nestes meses, foron os grandes protagonistas da gala celebrada no Edificio da Xunta de Galicia en Pontevedra. Ver nova na Voz de Galicia - Ver nova no Correo Galego

A discapacidade é a capacidade extraordinaria de ser capaz

Un dos murais da escola
Lema



3 de decembro  "Día Internacional da Discapacidade"

Unha forma de saber cal era a vida media antigamente


 

Recomendacións de libros para o Nadal

Clicando na imaxe poderás ver as recomendacións de libros para Primaria

Ver todos os niveis en formato cataz (infantil, primaria, secundaria e adultos).
Ver outras recomendacións:  Biblodominicus  .
 

2.12.20

Refraneiro de Nadal

- As chuvias de Nadal, non fan mal.
- Aí vén o mes de Nadal, que non deixe  o millo sen apañar.
- Bo ano, Nadal soleado
- Cada cousa no seu tempo, e os nabos no Advento.
- Cando o Nadal nada, sinal de boa anada.
- Castañas en Nadal, saben ben e prestan mal.
- Decembro mollado, xaneiro xeado.
- Día de Santa Lucía, enchente de auga ou de sardiña.
- Díxolle o neno a san Xoán , de ti a min menguarán, de min a ti medrarán.
- En decembro descansar e en Xaneiro traballar
- En decembro moita auga, en agosto lumes
- En Nadal todas as cousas andan mal.
- En Nadal, inverno a caroal. (Moi intenso)
- Entre Nadal e xaneiro inverno verdadeiro.
- Fías de Nadal, nin tecedeiras fan.
- Friaxe no Nadal, non fai mal.
- Nadal chuvioso, xaneiro ventoso.
- Nadal molladoe xaneiro ben xeado.
- Nadal novo, fonda ben o arado e Nadal escuro, sementa no duro.
- Nadal sen porco non veñan moitos.
- Nas oitavas de Nadal o que aforra ben se val.
- Nadal e xaneiro fan o inverno enteiro
- Nen en agosto camiñar nen en decembro navegar.
- Non gabes nen desgabes até que pasen sete navidades.
- No mes de Nadal, a carón da lareira vaite sentar.
- No nadal, alegrote, alegrote, que hai viño na cuba e chourizos no pote.
- No nadal, hai veces que se come pardal.
- No nadal, inverno a fartar.
- O coello por san Xoán e a perdiz por Nadal
- O día de Santa Lucía mingua a noite e medra o día.
- O que non é o día de santa Lucía xa será outro día.
- O que queira ter bo allal pránteo no nadal.
- Os allos polo San Silvestre, nin nados nin na reste.
- Os allos en nadal, nen nados nen por sementar.
- Pascuas enxoitas, nin poucas nin moitas.
- Pola Concepción ningunha galiña pon.
- Pola Santa Lucía deita túa galiña
- Pola Santa Lucía mingua a noite e medra o dia.
- Pola Santa Lucía, some a noite e medra o día.
- Polo Nadal cada ovella ao seu curral.
- Polo Nadal,  frío cordial.
- Por Nadal inverno a fartar.
- Por Santa Lucía a pata dunha Galiña.
- Por Santa Lucía ao salto dunha pulga medra o día.
- Por Santa Lucía, mingua a noite e medra o día.
- Por Santos e Nadal, o inverno caroal.
- San Silvestre, meigas fóra.
- Santa Lucía o máis pequeno dos días.
- Santa Vivián, mociñas no liño e vella na lan.
- Santo Tomé agarra o cocho polo pé.
- Se a noite de Nadal hai luar, lembra ben para sementar.
- Se o nadal nada, sinal de boa anada.
- Se polo Nadal neva, todo se aleda.
- Tantos días de sol en nadal como de auga en san Xoán.

# A Concepción de María celébrase o 8 de decembro.
# ↑ Santa Viviana, 2 de decembro.
# ↑ San Tomé, 21 de decembro; San Matías celebrábase o 24 de febreiro, se ben actualmente trasladouse ó 14 de maio.
# ↑ Santa Lucía, 13 de decembro.
# ↑ San Nicolao, 6 de decembro.
# ↑ Santa Baia, 14 de decembro.
# ↑ Santa Eulalia é unha forma culta por santa Baia, de introdución recente por cadrar co castelán.
# ↑ San Silvestre, 31 de decembro.

1.12.20

Cal será a palabra do ano 2020?

Primeira fase:  Recepción de propostas. Recolleremos as vosas suxestións dende o martes 1 de decembro ás 00:00 horas ata o domingo 13 de decembro de 2020 ás 23:59 horas.

Segunda fase: O luns 14 de decembro anunciaremos cales son as palabras finalistas. Poderedes votar pola vosa favorita ata as 23:59 horas do venres 25 de decembro.

Terceira fase: Tras recontarmos os votos, o luns 28 de decembro desvelaremos cal é a Palabra do Ano 2020.

Suxestións: Ver as palabras elixidas  de todo ano agás decembro do "Portal das Palabras"