10.4.19

Cantigas galegas "A Regueifa"

A regueifa está na mesa
e no medio ten un ovo,
para corta-la regueifa
veñan as de Portonovo (BIS)
Ailalelo ai lalá laaaa

Si mo ves por ahí (BIS)
ó borracho do meu home,
fai o favor de decirlle
que hoxe na casa non dorme (BIS)

Ailalelo ai lalá laaaa

Unha vella é ben vella (BIS)
vella da cabeza branca,
botou un peido na cama
fixo levanta-la manta (BIS)
Ailalelo ai lalá laaaa

Alá vai a despedida (BIS)
despedida dunha rosa
como me vou despedir-e
dunha cara tan fermosa (BIS)

Ailalelo ai lalá laaaa

3.4.19

Cantigas galegas "Foliada de Carril"

Nosa señora da Guía
ai! da guía de mariñeros (Bis 1 e 2)
guía da miña cuadrilla (Bis)
toda de mozos solteiros (bis)
Ai lalelo, ailalo

Si vas a Carril
ao mesmo chegar
verás Cortegada
deitada no mar (bis)
ollando por ela
van os mariñeiros (bis)
nos botes de vela.

Teño un amor mariñeiro
ai! bonito como unha rosa (bis 1 e 2)
teño medo que mo quite (bis)
algunha nena envidiosa (bis)
Ai lalelo, ailalo

Retrouso

En Carril casou meu pai
ai! en Carril quero casar; (bis 1 e 2)
Moito me gustan as mozas (bis)
que son da beira do mar. (bis)
Ai lalelo, ailalo

Retrouso