28.6.20

Adaptación "Adiós Ríos, Adiós Fontes". Homenaxe ós traballadores da pandemia polo COVID-19 - Alessandra G. R.

Unha galega na Suíza deleitanos con esta adaptación. Haberá que  emigrar para valorar o que temos?

Adios ríos, adios fontes,

adiós regatos pequenos,

adiós vista dos meus ollos

non sei cando nos veremos.


Miña terra, miña terra,

terra onde me eu criei,

tamén onde a ti chegou,

esta mal que fai morrer.


Este mal que non fai ruído,

este mal que non se ve,

este mal que non ten cheiro,

canto mal está a facer!»


Nin disparos, nin ballestas,

non hai bombas nin canóns,

só un virus con corona,

fai estragos en todos nós


E nós que creiamos ser,

os reises do universo,

e ante un virus tan pequeno

cambiamos pronto de verso


Pero dentro desta guerra,

temos soldados de ben,

son médicos e enfermeiras

que nos coidan por doquier


Cansos de tanto traballo,

estes bos profesionais,

olvidanse deles mesmos

para coidar os demais

A maior parte das veces,

en moi malas condicións,

arriscándose a contaxiarse

seguen velando por nós

seguen velando por noooossssss ...


Mil grazas dou a quen cura

a quen nos dá unha palabra

de cariño e de tenrura

mil grazas vos dou, mil grazas


Grazas tamén a quen limpa

grazas tamén ós que aguantan

policias, dependentes,

xentes que poñen a cara


E por riba de todo,

vida a tí che dou as grazas,

leva os virus e as coronas,

deixanos a terra mansa


Fai maxia non pobres homes,

enseñándonos a amala

que quede a terra sementada

de humildade e de esperanza


Adios ríos, adios fontes

adiós regatos pequenos

adiós vista dos meus ollos

non sei cando nos veremos.

non sei cando nos veremoooooooos



13.6.20

Revista Escolar CEP Campolongo 2019-20

Xa temos feita a Revista Escolar 2019-20. Podedes vela dixitalmente aquí  ou na páxina web do cole. Xa está  dispoñíbel en papel no colexio (1 exemplar por familia). Preguntar en conserxería. Temos que pedir desculpas porque non se meteron moitos outros traballos que tamén merecían estar. As circunstancias do confinamento non propiciaron a  comunicación para facer unha revista máis completa.  Algúns deses traballos que non están nesta revista, xunto cos outros,  si están metidos nos diferentes blogs  do EDNL (Equipo de Dinamización e Normalización Lingüística): Estación Vella , Ghafos, Entre Herbas do Ghafos, Efcampolongo, ... Todo o profesorado do centro  espera que sexa do voso agrado.  Ver fotos ou imaxes que non entraron na revista.

11.6.20

Refraneiro do mes de xuño

Como sempre, detrás de maio vén san Xoán
En san Xoán, as nove con día dan
De San Xoán prás Navidás, os días van pra atrás
Polo san Xoán baila o sol no chan
Cando san Xoán bebe viño, ponse moito vermelliño.
Maio longo, san Xoán redondo.
Até o corenta de maio, non quites o saio.
Ata san Xoán non te quíte-lo gabán
En san Xoán, nin a mexeira dun can.
En san Xoán, a fouce na man.
Día de san Paio, a cegoña nos prados
Aceitona, unha por san Xoán e un cento por Navidá.
En san Xoán, pés na cama, pé no chan.
A auga en San Juan tolle o viño e non dá pan 
A mera no San Xoán leva o viño e mais o pan 
O coello, por san Xoán, e a perdís por Navidá
A reixa de san Xuan, moitos o saben e poucos o dan 
A sardiña en San Xoán xa molla o pan.
De San Xoan a San Pedro, cinco días van no medio
No mes de san Xoán secan as fontes e arden os montes.
Entre marzo e abril sae o cuco do cubil, e entre san Xoán e a sega marcha o cuco para a súa terra.
O peixeiro trae peixe, o panadeiro trae pan e as trasnadas San Xoán.
Polo san Xoán rapa o carneiro a la.
Xaneiro, xeadeiro; febreiro, verceiro; marzo, airoso; abril, chuvioso; maio, pardo; san Xoán, claro, valen máis estos meses cas súas mulas co seu carro.

"O Papagaio" - Xuño 2020


Xuño
Revista que por motivos do confinamento pódese ver en  formato dixital.  Ver a  do mes de maio - Ver a do mes de abril

Podes ollar outros números na biblioteca do centro cando volvas o cole.